رسالة من بنت الدنيا (غزَة)

رسالة من بنت الدنيا (غزّة)

مِدّ إيدك …سِد جرحي
دمّي نازف من جوانحي
ياللي دفيان في النعيم
الألم مالي جوارحي
شكله إيه وش العرب
يوم ما مات ع الوش فَرحي..؟
ياللي طالعين م القصور
تسألوا : …. نغضب …نثور ؟!!
وشّي ملياه البثور
بسمتي نسيت ملامحي …!!

فوق جسور الذل سرنا
واتعوج بالقهر سيرنا
دمّنا هاين علينا
زي ما هان عند غيرنا
الغضب مات في القلوب
والكرامة بقت ذنوب
اسمعوا لعنة جدودكم
ياللي غرقانين في خيرنا

(يامّا مويل الهوي)
الجرح ماله دوا ….
اركب حصانك يا فارس
وشق بيه الهوا
صحّي صلاح الدين
قول له العرب خاينين
زمان قريت الفاتحة
وما حد رد ….آمين
صوت العرب راح فين….؟
يا مليانين بالخرس
لو حد فيكوا اتقرص
كان حَسّ … بالباكيين

عيني علي نكبتك ياغزة طال النوح
طرح الوجع بلوتك …وشق قلب الروح

- لبس العِدا بُرْدنا
واتكللوا بالغار
- حكامنا لبسوا العدم
و اتوشّحوا بسواد
هل أنتم الأحفاد
يا غرقانين في العار ؟؟!

غزه تستاهل بس احنا مقصرين
يسلموا على الطرح الجميل

والله تستاااهل غزه
شكرا لموضووعك المميز